24.04.20 Prezidentimizin "Biz birlikdə güclüyük" çağırışı hər birimiz üçün örnəkdir.

Çağırış hər birimiz üçün örnəkdir.

     Yeni növ koronavirus pandemiyasının (COVID-19) ölkəmizdə geniş yayılmasının qarşısının alınması istiqamətində görülən işlərinməhz vətəndaşların rifahı və mənafeyi üçün aparıldığı aydın görünür və bu, vətəndaşlar tərəfindən müsbət qarşılanır.

        Prezidentimizin "Biz birlikdə güclüyük” çağırışı hər birimiz üçün örnəkdir. Cənab İlham Əliyevin bu sahədə apardığı tədbirlərə dəstək məqsədi ilə Respublikamızın hər yerində xüsusi karantin rejimi qaydalarına əməl olunur və "Evdə qal!” kampaniyası çərçivəsində aztəminatlı ailələrə, o cümlədən yaşı 65-dən yuxarı olan xəstə, tənha, ahıl şəxslərə yardımlar edilir.

        İsmayıllı Rayon İcra Hakimiyyətinin təşəbbüsünə qoşulan İsmayıllı bələdiyyəsi koronavirus təhlükəsi ilə əlaqədar "Evdə qal, həyatları xilas et!" çağırışından sonra İsmayıllı şəhərinin yaşlı və aztəminatlı sakinlərindən bir qrupuna qayğı və diqqət göstərilməsini öz üzərinə götürüb. Təşəbbüsün dəstəklənməsində bələdiyyənin üzvləri və qulluqçuları imkanları çərçivəsində fəallıq göstəriblər.

        Koronavirus pandemiyası dalğasının yayıldığı ilk günlərdə bələdiyyə İsmayıllı şəhərinin küçə və meydanlarını, əhalinin sıx toplaşdığı, intensiv hərəkət etdiyi ərazilərin dezinfeksiyasını aparmaqda mümkün tədbirləri həyata keçirib.

     Yardım payı alanlaırın hər birinə dövlət tərəfindən atılan addımlar izah edilmiş və evdə qalmaları, gündəlik nə etməli olduqları məsələlərə diqqətlə yanaşmaları və ciddi zərurət olmadıqda evdən çıxmamaları xahiş olunub.

      Qeyd edək ki, görülməsi vacib olan tədbirlər və yardımlar bələdiyyə tərəfindən bundan sonra da davam etdiriləcək.

       İsmayıllı bələdiyyəsi